Strætó ekur Hverfisgötu á ný
Strætó mun aka um Hverfisgötu á nýjan leik í dag en hliðra þurfti fjölmörgum leiðum til vegna framkvæmdanna í götunni síðustu mánuðina.
Miklar tafir urðu á framkvæmdunum neðarlega á Hverfisgötunni eins og mikið hefur verið fjallað um. Opnað var aftur fyrir um umferð um miðjan síðasta mánuð, en Strætó hóf þó ekki akstur upp og niður götuna aftur fyrr en í morgun.
Í tilkynningu frá Strætó segir að leiðir 1, 6, 11, 12, 13 og 14 muni nú hætta að aka um Sæbraut og hafi akstur þeirra færst yfir á Hverfisgötu. Leið 3 haldi áfram akstri um Sæbraut.
Þá segir að næturleiðirnar muni aka á ný um Hverfisgötu aðfaranótt laugardagsins 14. desember.
Tengdar fréttir
Strætó ekur aftur um Hverfisgötu eftir að næstu framkvæmdum lýkur
Áætlað er að Stætó muni aka um Hverfisgötu á nýjan leik sunnudaginn 8. desember.
Hverfisgata opnuð „á undan áætlun“
Opnað hefur verið fyrir umferð á Hverfisgötu eftir tæplega sex mánaða framkvæmdir.
