Lífið

Fyndnustu dýralífsmyndir ársins valdar

Samúel Karl Ólason skrifar
Að þessu sinni bárust um fjögur þúsund myndir frá 68 löndum. 40 myndir voru valdar til að keppa til úrslita.
Að þessu sinni bárust um fjögur þúsund myndir frá 68 löndum. 40 myndir voru valdar til að keppa til úrslita.

Fyndnasta dýralífsmynd ársins er af ungri ljónynju „leika“ við fullorðið ljón og var hún tekin í Botsvana. Guð einn veit hvað gerðist eftir að myndin, sem ber heitið „Grab Life By The ...“, var tekin. Úrslit hinna árlegu Comedy Wildlife Photography Awards voru tilkynnt í gær. Þeim er ætlað að létta lund fólks en á sama tíma boða mikilvægi þess að vernda dýralíf í heiminum.

Að þessu sinni bárust um fjögur þúsund myndir frá 68 löndum. 40 myndir voru valdar til að keppa til úrslita. Að endingu var það mynd Söruh Walker sem vann æðstu verðlaun keppninnar.

Hér að neðan má sjá mynd Walker og fleiri myndir sem unnu flestar til einhverra verðlauna. Þær 40 myndir sem voru í úrslitunum má svo sjá hér á vef CWPA. Þar má einnig sjá myndir síðustu ára.

Ung ljónynja að leik. Sarah Walker/COMEDY WILDLIFE PHOTOGRAPHY AWARDS 2019
„Who would like a peanut?“ Corey Seeman/Comedy Wildlife Photography Awards 2019
Þessi mynd ber titilinn „Oh My!“ og það er erfitt að segja annað en að hann eigi vel við. Þessi otur virðist í miklu uppnámi. Harry Walker/Comedy Wildlife Photography Awards 2019
Þessi mynd af nashyrningi og óheppnum fugli heitir: „Warning! Territory Marking, follow at your own risk.“ Tilakra Nagaraj/Comedy Wildlife Photography Awards 2019
Þessi mörgæs virðist skemmta sér konunglega við strendur Falklandseyja. „Surfin...South Atlantic Style“. Elmar Weiss/Comedy Wildlife Photography Awards 2019
Annar þessara er sko dauður á næsta balli! „Chest Bump“. Tom Mangelsen/Comedy Wildlife Photography Awards 2019
Stundum þarf bara að slappa af. „Laid Back“. Tom Mangelsen/Comedy Wildlife Photography Awards 2019
Þessi mynd vann ekki til verðlauna, sem er eiginlega ótrúlegt. ANTHONY N PETROVICH/COMEDY WILDLIFE PHOTO AWARDS


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.