Að hundelta ópið og dómsmálaráðherra í Víglínunni
Hún er yngst allra til að taka við ráðherraembætti eftir að Ísland náði fullu sjálfstæði árið 1944, nú dómsmálaráðherra. Heimir Már Pétursson fréttamaður fær Áslaugu Örnu Sigurbjörnsdóttur varaformann Sjálfstæðisflokksins í Víglínuna á Stöð 2 og Vísi í dag. Þau munu ræða samherjamálið, mál ríkislögreglustjóra, innflytjenda og flóttamanna og fleira.
Johann Hari blaðamaður frá Bretlandi verður einnig í Víglínunni. Hari er höfundur bókarinnar „Að hundelta ópið" sem byggir á rannsóknum hans víðs vegar um heiminn á fíkninni, bannhyggjunni, refsingunum, mildinni og lögleiðingunni; ólíkum aðferðum ríkja til að nálgast fíknivandann. Áhrifarík bók sem vakið hefur heimsathygli.
Víglínan er í opinni dagskrá á Stöð 2 og Vísi klukkan 17:40.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
