Innlent

Brunaði fram hjá lögreglubíl í vegkanti

Kristín Ólafsdóttir skrifar
Alls komu fimmtíu hraðabrot inn á borð lögreglu á Suðurlandi í síðustu viku.
Alls komu fimmtíu hraðabrot inn á borð lögreglu á Suðurlandi í síðustu viku. Vísir/Vilhelm
Lögregla á Suðurlandi kærði í liðinni viku ökumann á Mýrdalssandi fyrir að aka of hratt miðað við aðstæður. Sá brunaði fram hjá lögreglubifreið þar sem hún stóð í vegkanti með forgangsljósin kveikt, eftir að lögreglumenn höfðu stöðvað rútu sem þar var á ferð.



Alls komu fimmtíu hraðabrot inn á borð lögreglu á Suðurlandi í síðustu viku, að því er segir í tilkynningu lögreglu. Öll nema eitt voru á vegi þar sem hámarkshraði er 90 km/klst en einn ökumaður var kærður fyrir að aka á 81 kílómetra hraða innanbæjar á Selfossi.



Þá var ökumaður á Mýrdalssandi stöðvaður á 150 kílómetra hraða og sætti viðurlögum í samræmi við það, að því er fram kemur í tilkynningu.



Ellefu ökumenn voru svo kærðir fyrir að nota farsíma við akstur í liðinni viku. Einn þessara ökumanna var með tvö börn laus í bílnum og fékk sekt fyrir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.