Innlent

Gaf upp nafn og kenni­tölu systur sinnar eftir að hafa verið tekin fyrir fíkni­efna­akstur

Atli Ísleifsson skrifar
Lögregla á Suðurnesjum um helgina ökumann sem hafði ekið á miklum hraða fram úr lögreglubíl í eftirlitsferð á Reykjanesbrautinni.
Lögregla á Suðurnesjum um helgina ökumann sem hafði ekið á miklum hraða fram úr lögreglubíl í eftirlitsferð á Reykjanesbrautinni. Vísir/vilhelm

Lögregla á Suðurnesjum stöðvaði um helgina ökumann sem hafði ekið á miklum hraða fram úr lögreglubíl í eftirlitsferð á Reykjanesbrautinni.

Í tilkynningu frá lögreglu segir að um hafi verið að ræða erlendan ferðamann sem hafi ekið á 122 kílómetra hraða, en hámarkshraði á Reykjanesbraut er 90.

„Blástur í áfengismæli renndi stoðum undir að viðkomandi hefði neytt áfengis og var hún því handtekin og færð á lögreglustöð.

Þá voru nokkrir ökumenn teknir úr umferð vegna gruns um fíkniefnaakstur. Tveir þeirra reyndust sviptir ökuréttindum ævilangt. Annar þeirra, kona á fertugsaldri, reyndi að villa á sér heimildir með því að gefa upp kennitölu og nafn annars einstaklings en viðurkenndi svo á endanum að þær upplýsingar tilheyrðu systur hennar.

Enn fremur voru höfð afskipti af ökumanni sem svaf ölvunarsvefni undir stýri í bifreið sinni. Í farþegasæti við hlið hans fundu lögreglumenn tveggja lítra gosflösku með landa en lítið var eftir í henni. Viðkomandi var færður á lögreglustöð þar sem sýnatökur bentu til þess að hann hefði neytt kannabisefnis.

Skráningarnúmer voru svo fjarlægð af nokkrum bifreiðum sem voru ótryggðar eða óskoðaðar,“ segir í tilkynningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.