Lífið

Mike Posner hefur lokið göngu sinni yfir Bandaríkin

Sylvía Hall skrifar
Söngvarinn er þekktastur fyrir smelli á borð við Cooler Than Me og I Took a Pill in Ibiza.
Söngvarinn er þekktastur fyrir smelli á borð við Cooler Than Me og I Took a Pill in Ibiza. Vísir/Getty

Söngvarinn Mike Posner hefur nú lokið sex mánaða ferðalagi sínu þvert yfir Bandaríkin. Ganga söngvarans hófst á austurströndinni í New Jersey þann 15. apríl síðastliðinn og lauk í Kaliforníu þegar hann hafði náð til Venice Beach.

Gangan er í heildina 4.588 kílómetrar að lengd og segist Posner vera breyttur maður eftir ferðalagið. Þegar hann var ekki að arka langar leiðir nýtti hann tímann í jóga og hugleiðslu.




Á leiðinni bauð hann fólki að ganga með sér ef það vildi og var eitt af helstu markmiðum hans að eyða meiri tíma í að hlusta á fólk. Á vefsíðu sinni segir hann markmiðið hafa verið þríþætt:

„Að njóta þess að lifa mínu lífi og hjálpa öðrum að njóta þeirra“, „vera eins sannur við aðra og mögulegt er“ og að „hjálpa öðrum að upplifa stórfengleika“.

Gönguferðin gekk ekki áfallalaust fyrir sig en í ágúst var Posner fluttur með sjúkraflugi á sjúkrahús í Colorado eftir að hafa verið bitinn af skröltormi. Það setti töluvert strik í reikninginn þar sem söngvarinn þurfti að vera í endurhæfingu í nokkrar vikur.

Á meðan göngunni stóð gaf söngvarinn út ný lög og sagði hann þau endurspegla þroska sem hann hafði tekið út á ferðalagi sínu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.