Flugmenn Air Iceland Connect boða til yfirvinnubanns
Flugmenn hjá Air Iceland Connect hafa boðað yfirvinnubann sem tekur gildi 1. nóvember náist ekki samningar. Flugmennirnir eru í Félagi íslenskra atvinnuflugmanna og hafa verið samningslausir frá áramótum.
Ólafur Georgsson, formaður Félags íslenskra atvinnuflugmanna, segir félagið hafa tilkynnt Air Iceland Connect þetta í dag. Vonast hann til að þetta yfirvinnubann komi til með að þoka samningsgerðinni í rétta átt.
Spurður hvaða áhrif þetta yfirvinnubann mun hafa á áætlunarferðir Air Iceland Connect svarar Ólafur að hann geri ráð fyrir að þau eigi ekki að vera mikil ef flugfélagið hugar vel að þessari mönnum þá daga sem það stendur yfir.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
