PSG vill framlengja við Neymar
Paris Saint-Germain eru sagðir vongóðir um það að Brasilíumaðurinn Neymar muni framlengja samning sinn við félagið.
Núverandi samningur Brsailíumannsins rennur út sumarið 2022 og þrátt fyrir allt fjaðrafokið í kringum Neymar í sumar eru PSG sagðir vilja framlengja við hann.
Hinn 27 ára gamli Neymar leyndi því ekki í sumar að hann vildi komast burt frá félaginu og lenti meðal annars upp á kant við stuðningsmenn félagsins.
PSG began negotiations with Neymar on the extension of his contract until 2024 https://t.co/pzz7bIc1IR via @ArisetoInspire
— Wingsnewspaper (@ArisetoInspire) October 11, 2019
Nú er hins vegar annað uppi á teningnum og vonast er til að Neymar bæti tveimur árum við samning sinn svo hann verði samningsbundinn PSG til ársins 2024.
Neymar er þessa stundina á meiðslalistanum en hann meiddist í vináttulandsleik Brasilíu í gær.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
