Eldur kom upp í kjallara íbúðarhús við Álfhólsveg í Kópavogi um klukkan hálf eitt í nótt.



Allir íbúar voru komnir úr húsinu er lögregla og slökkvilið kom á vettvang en kjallarinn er notaður sem geymsla. Þar var mikill eldur og náði hann einnig að læsa sig í klæðningu hússins.



Í tilkynningu frá lögreglu segir að slökkvistarf hafi gengið vel en enn er ekkert vitað um eldsupptök.



Brunavettvangur var innsiglaður af lögreglu og er málið í rannsókn.