Innlent

Hvessir á Suðurlandi

Stefán Ó. Jónsson skrifar
Spennandi verður að sjá hvort brjóstahaldararnir við Brekkukot undir Eyjafjöllum muni fjúka í kvöld.
Spennandi verður að sjá hvort brjóstahaldararnir við Brekkukot undir Eyjafjöllum muni fjúka í kvöld. Vísir/Vilhelm
Ökumenn á Suðurlandi eru varaðir við vindstrengjum sem þar geta myndast með kvöldinu. Þá má rekja til lægðar sem kemur að sunnanverðu landinu síðar í dag og ætla má að vindur geti náð allt að 15 m/s með suðurströndinni og undir Eyjafjöllum. Veðurstofan hvetur því ökumenn á stórum og léttum ökutækjum með aftanívagna að fara varlega og fylgjast með veðrinu.



Annars staðar á landinu verður þó hægari vindur, oftar en ekki á bilinu 3 til 8 m/s. Skýjað að mestu og skúrir á víð og dreif, en þurrt og bjart norðaustantil.



Hitinn verður svipaður og í gær, á bilinu 10 til 20 stig og verður hlýjast á Norðausturlandi. Ef marka má veðurhorfurnar á landinu næstu daga eru víða 20 gráður í kortunum, rétt eins og úrkoma. Þannig fer að rigna suðvestanlands annað kvöld en skúrir þegar líður á morgundaginn.

Veðurhorfur á landinu næstu daga

Á miðvikudag:

Suðaustan og austan 5-10, en 10-15 syðst á landinu. Rigning með köflum um landið sunnanvert, hiti 10 til 15 stig. Þurrt og bjart norðantil með hita að 20 stigum.



Á fimmtudag:

Breytileg átt 3-10. Bjart með köflum norðan og vestanlands, en líkur á skúrum síðdegis. Hiti 13 til 20 stig. Súld á Suðausturlandi og Austfjörðum og svalara.



Á föstudag og laugardag:

Hæg suðlæg eða breytileg átt og skýjað, en úrkomulítið. Hiti 11 til 15 stig. Bjart á köflum á Norður- og Austurlandi og stöku skúrir síðdegis, hiti að 20 stigum.



Á sunnudag:

Sunnanátt með súld og rigningu, en þurrt og hlýtt norðaustantil á landinu.



Á mánudag:

Útlit fyrir suðaustanátt og minnkandi úrkomu. Hiti breytist lítið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.