Innlent

Boða komu 200 milljóna króna rennibrautar í Úlfarsárdal

Vésteinn Örn Pétursson skrifar
Rennibrautin mun standa við suðurhluta sundlaugarbyggingarinnar.
Rennibrautin mun standa við suðurhluta sundlaugarbyggingarinnar. VA/Reykjavík
Borgarráð samþykkti á fundi sínum í gær að bæta sjö metra hárri vatnsrennibraut við drög að útisundlaug sem nú er verið að byggja í Úlfarsárdal.

Upphafleg tillaga að sundlauginni gerði ekki ráð fyrir rennibraut en Íþrótta- og tómstundasviði Reykjavíkur, sem rekur sundlaugar borgarinnar, höfðu borist ábendingar um að rennibraut kynni að auka til muna afþreyingargildi laugarinnar, eftir því sem fram kemur á vef Reykjavíkurborgar.

VA arkitektar, sem teikna bæði laugina og rennibrautina, gera í tillögum sínum ráð fyrir rennibraut sem byrjar í um sjö metra hæð, tröppuhúsi og lendingarlaug. Stækkun laugarsvæðisins sem rennibrautin hefur í för með sér nemur um 200 fermetrum.

Frumkostnaðaráætlun vegna rennibrautarinnar, ásamt stækkun á laugarsvæði, er um 200 milljónir króna, sé miðað við verðlag í júní 2019 og verður starfshópi um uppbyggingu laugarinnar falið að vinna að útfærslu á rennibrautinni og lendingarlaug hennar, í samráði við ÍTR.

 

Teiknuð loftmynd af fyrirhuguðu sundlaugarsvæði.VA/Reykjavík



Fleiri fréttir

Sjá meira


×