Lífið

Friðrik Dór og Lísa selja einbýlishúsið: „Fáránlegt að við séum að selja“

Stefán Árni Pálsson skrifar
Friðrik Dór og Lísa Hafliðadóttir færa sig um set.
Friðrik Dór og Lísa Hafliðadóttir færa sig um set. Myndir/fasteignaljósmyndun.is
„Ég og stelpurnar ætlum að færa okkur aðeins um set í Firðinum fagra og því er Hraunbrúnin okkar góða komin á sölu,“ segir tónlistarmaðurinn Friðrik Dór Jónsson í stöðufærslu á Facebook en hann og Lísa Hafliðadóttir hafa sett fallegt einbýlishús sitt í Hafnarfirði á sölu. Ásett verð er 59,9 milljónir en eignin er 116 fermetrar og var húsið byggt árið 1943.



„Hér er dýrðlegt að drekka morgunbollann á pallinum, stutt í nýja ærslabelginn á Víðistaðatúni, skóla og leikskóla og auðvitað stutt í miðbæinn okkar fagra. Ég sé það núna þegar ég skrifa þennan texta að það er í raun fáránlegt að við séum að selja.“



Húsið er mikið endurnýjað fjögurra herbergja einbýlishús á góðum stað en eignin er á þremur hæðum.



Þrjú svefnherbergi eru í húsinu og tvö baðherbergi en hér að neðan má sjá myndir af húsi hjónanna.

Mikið endurnýjað einbýlishús í Hafnarfirði.
Falleg borðstofa og eldhús í opnu rými.
Sjónvarpsholið skemmtilegt hjá Frikka og Lísu.
Smekklegt hjónaherbergi.
Stórglæsilegt eldhús.
Pallurinn og garðurinn algjörlega upp á tíu.
Baðherbergið snyrtilegt og undir súð.



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.