Fótbolti

Hætti í landsliðinu en bara í einn dag

Óskar Ófeigur Jónsson skrifar
Asamoah Gyan er tilbúinn að reima á sig landsliðskóna á ný.
Asamoah Gyan er tilbúinn að reima á sig landsliðskóna á ný. Getty/ Michael Dodge

Landsliðsskór Asamoah Gyan voru ekki lengi upp á hillu. Markahæsti landsliðsmaður Gana frá upphafi er nú hættur við að hætta.

Forseti Gana, Nana Akufo-Addo, fékk fund með þessum 33 ára framherja og fékk hann til að taka landsliðsskóna af hillunni aðeins degi eftir að þeir fóru upp á hillu.

Forsetinn sannfærði leikmanninn um að halda áfram að gefa kost á sér í landsliðið. „Þú verður að hlusta á forsetann þinn. Ég hef tekið vel í beiðni hans og gef kost á mér í landslið Kwasi Appiah,“ sagði Asamoah Gyan.

Asamoah Gyan hætti í landsliðinu eftir að hann missti fyrirliðabandið.

Gyan hefur alls skorað 51 mark í 106 landsleikjum fyrir Gana.



Gana er á leiðinni í Afríkukeppnina í sumar og hópurinn verður væntanlega tilkynntur í dag. Andre Ayew tekur væntanlega við fyrirliðabandinu af Asamoah Gyan.

Asamoah Gyan hefur verið að glíma við meiðsli og hefur ekkert spilað með landsliðinu síðan í september 21017. Hann er nú leikmaður tyrkneska félagsins Kayserispor.

Asamoah Gyan hefur skoraði í sex Afríkukeppnum í röð og þá skoraði hann í þremur heimsmeistarakeppnum í röð frá 2006 til 2014.




Fótbolti
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.