Losun jókst þrátt fyrir átak
Þrátt fyrir aðgerðir til að stemma stigu við losun gróðurhúsalofttegunda hefur losun, á beina ábyrgð íslenska ríkisins, aukist á milli ára. Í nýrri skýrslu Umhverfisstofnunar kemur fram að losun jókst um 2,2 prósent milli áranna 2016 og 2017.
Umhverfisstofnun þarf að gera skil á losunarbókhaldi Íslands vegna loftslagssamnings Sameinuðu þjóðanna. Þar segir að losun okkar frá 2005 hafi dregist saman um 5,4 prósent en verið þó nokkuð stöðug frá árinu 2012, þrátt fyrir tilraunir til að draga úr losun.
Aukinn fjöldi ferðamanna og aukin almenn neysla hér á landi er sögð ástæða þessa. Vegasamgöngur eru stærsti losunarvaldurinn, eða sem nemur 34 prósentum. Því næst olíunotkun fiskiskipa 18 prósent og loks losun frá skepnum í landbúnaði, 10 prósent.
