Leita að þremur milljónamæringum

Íslensk getspá auglýsir eftir þremur lottóvinningshöfum sem enn eiga eftir að gefa sig fram. Vinningshafarnir eiga samtals inni  um 37 milljónir króna en miðarnir voru keyptir á þremur stöðum á landsbyggðinni á tímabili frá júlí í fyrra og fram í byrjun þessa mánaðar.

Vinningsmiðarnir voru seldir á eftirfarandi stöðum:

Dalbotni á Seyðisfirði, útdráttur 7.júlí 2018. Vinningur að upphæð 25.394.380 króna. Vinningstölur 2 – 9 – 24 – 25 – 35 / 19 (bónustala).

Olís Stykkishólmi, útdráttur 23. febrúar 2019. vinningur að upphæð 7.639.900 króna. Vinningstölur 5 – 6 – 12 – 29 – 31 / 11 (bónustala).

N1 Egilsstöðum, útdráttur 2. mars 2019. Vinningur að upphæð 4.088.690 króna. Vinningstölur 4 – 8 – 17 – 21 – 29 / 19 (bónustala).

Íslensk getspá hvetur alla sem keyptu lottómiða á umræddum stöðum til að skoða miðana sína vel. „Þar gætu leynst vinningstölurnar góðu sem færa þér milljónir í vasann,“ segir í tilkynningu.