Rúnar fékk á sig þrjú mörk gegn PSG

Rúnar Alex Rúnarsson stóð í markinu er Dijon tapaði með þremur mörkum gegn engu er liðið mætti stórliði PSG í franska bikarnum í kvöld.

Leikið var á Parc des Princes leikvanginum í París. Angel Di Maria er funheitur um þessar mundir og hann skoraði tvö mörk í fyrri hálfleik.

Það var svo Belginn Thomas Meunier sem skoraði þriðja og síðasta mark PSG stundarfjórðungi fyrir leikslok en þeir voru án Kylian Mbappe. Það kom ekki að sök og lokatölur 3-0.

PSG er því komið í undanúrslit franska bikarsins en tveir leikir átta liða úrslitanna fara fram á morgun og einn í byrjun mars.