Slow mo guys: Eldur eins og þú hefur aldrei séð hann áður

Þeir Gavin Free og Daniel Gruchy hafa um ára bil skemmt notendum Youtube með því að taka upp hinar ýmsu athafnir á miklum hraða og í hárri upplausn á rásinni Slow Mo Guys. Meðal annars hafa þeir komið til Íslands og tekið upp náttúruna hér á landi. Þeir birtu nýtt mynband í gær þar sem þeir leika sér með elda, eins og þeir hafa oft gert áður.

Núna bjóða þeir áhorfendum sínum þó upp á nýstárlegt sjónarhorn.

Dan, eins og hann er kallaður, kveikti í bensíni í fötu og skvetti því á rúðu og var Gav búinn að stilla háhraðamyndavélinni upp þannig að hún fangaði eldinn lenda á rúðunni, hinu megin frá.

Það er vert að mæla með því að horfa á þetta myndband í eins góðum gæðum og tækjabúnaður ykkar leyfir.