Michael Carrick leggur skóna á hilluna eftir tímabilið og þjálfar hjá United

Manchester United leikmaðurinn Michael Carrick hefur nú gefið það út að þetta tímabil verður hans síðasta á knattspyrnuferlinum.

Hinn 36 ára gamli miðjumaður hefur unnið tólf stóra titla á tólf árum með Manchester United.

Manchester United keypti hann á 18 milljónir punda frá Tottenham árið 2006 og hann hefur leikið 463 leiki fyrir félagið síðan.

He's done rather well

Michael Carrick will call time on a wonderful career at the end of the season: https://t.co/g1Cs4zuk2Fpic.twitter.com/y0173X0zM7

— BBC Sport (@BBCSport) March 12, 2018

Carrick var uppalinn hjá West Ham en var aðeins búinn að vera í tvö ár hjá Tottenham þegar Sir Alex Ferguson keypti hann til Manchester United.

Michael Carrick hefur aðeins spilað fjóra leiki á þessu tímabili en hann glímir við óreglulegan hjartslátt.

Eins og sjá má hér fyrir neðan þá hefur Carrick verið mjög sigursæll á sínum ferli og vann meðal annars enska meistaratitilinn fimm sinnum.

Michael Carrick has had quite the career at Man United.  pic.twitter.com/5z52dnoeKS

— Squawka Football (@Squawka) March 12, 2018

Michael Carrick ætlar að gerast þjálfari hjá Manchester United í sumar og verður hluti af þjálfaraliði aðalliðs félagsins.