Aguero fær ekki refsingu

Sergio Aguero verður ekki refsað af enska knattspyrnusambandinu fyrir atburðarásina eftir bikarleik Manchester City og Wigan í gærkvöld. Vefmiðillinn goal.com greinir frá þessu.

Aguero sló til stuðningsmanns Wigan sem var á meðal þeirra stuðningsmanna sem ruddust inn á völlinn í Wigan eftir leikinn.

Sjá einnig: Aguero sló til áhorfanda

Knattspyrnusambandið er þó enn að rannsaka atburðarásina og gæti Wigan hlotið refsingu fyrir að hleypa stuðningsmönnunum inn á völlinn.

Þá greina enskir fjölmiðlar frá því að Manchester City og Sergio Aguero séu að íhuga að lögsækja stuðningsmann Wigan fyrir að slá Aguero og hrækja á hann.