Bara Salah og Aguero sem slá við þessum 34 ára framherja í ensku deildinni

Glenn Murray mun halda upp á 35 ára afmælið sitt í haust en hann hefur farið á kostum með Brighton & Hove Albion í ensku úrvalsdeildinni síðan nýja árið gekk í garð.

Glenn Murray skoraði seinna mark Brighton & Hove Albion í sigrinum á Arsenal í ensku úrvalsdeildinni um helgina en það mark hans skildi á endanum á milli liðanna.

Þetta var ellefta deildarmark Glenn Murray á tímabilinu en þar af hafa sex þeirra komið eftir 1. janúar 2018.

Það eru aðeins tveir leikmenn sem hafa skorað fleiri mörk í ensku úrvalsdeildinni en Glenn Murray á nýju ári. Þetta eru þeir Mo Salah hjá Liverpool og Sergio Aguero og Manchester City. Ekki slæmt fyrir mann á 35. aldursári að vera með í þeim hópi.

Only Mo Salah (7) and Sergio Aguero (9) have scored more #PL goals in 2018 than Glenn Murray (6)

Brighton 2-0 Arsenal (32 mins)#BHAARSpic.twitter.com/OeHFmmg4hx

— Premier League (@premierleague) March 4, 2018

Glenn Murray skoraði einnig tvö mörk í 4-1 sigri á Swansea City helgina á undan og var síðan með eitt mark í leikjunum á móti Bournemouth, Southampton og West Ham.

Glenn Murray var næstmarkahæsti leikmaðurinn í ensku b-deildinni í fyrra en 23 mörk hans fyrir Brighton & Hove Albion liðið átti mikinn þátt í því að liðið vann sér sæti í ensku úrvalsdeildinni fyrir núverandi tímabil.