Virgil van Dijk: Þvílíkt kvöld

Virgil van Dijk, hetja Liverpool í kvöld, var að sjálfsögðu í skýjunum í viðtölum eftir leikinn en hann tryggði Liverpool 2-1 bikarsigur á nágrönnunum í Everton í fyrsta leik sínum með félaginu.

„Þvílíkt kvöld. Við áttum þetta fyllilega skilið. Það var frábært að vera úti á velli í kvöld og markið er mjög sérstakt fyrir bæði mig og mína fjölskyldu,“ sagði Virgil van Dijk við BBC eftir leikinn.

Hann skoraði sigurmarkið með skalla eftir hornspyrnu þegar aðeins sex mínútur voru til leiksloka.

„Það er draumur fyrir alla leikmenn að spila fyrir Liverpool á Anfield. Að skora svona mark er síðan enn sérstakara,“ sagði Van Dijk.

James Milner var líka ánægður með nýjasta liðsmann Liverpool-liðsins.

„Það er ekki auðvelt fyrir leikmann að koma inn í svona leik en Van Dijk kom hingað til að spila svona leiki. Þeir voru með marga stuðningsmenn í kvöld sem far frábær og bjó til magnað andrúmsloft. Við búumst við svona frá Van Dijk,“ sagði Milner.

Derby debut. Late winner. Scores in front of the Kop. pic.twitter.com/gVLG3VBnat

— Liverpool FC (@LFC) January 5, 2018