Rooney og félagar úr leik eftir tap í vítaspyrnukeppni

Wayne Rooney og félögum í DC United mistókst að tryggja sér sæti í 8-liða úrslitum MLS deildarinnar þegar liðið fékk Columbus Crew í heimsókn í nótt.

Frederic Brillant kom DC yfir á 21.mínútu en Federico Higuain, eldri bróðir Gonzalo, jafnaði metin skömmu síðar fyrir Columbus Crew. Reyndust það lokatölur venjulegs leiktíma og því þurfti að framlengja.

Þar var Higuain aftur á skotskónum og kom Columbus Crew í 1-2 en Nick DeLeon svaraði fyrir DC United skömmu fyrir leikslok og þurfti því að grípa til vítaspyrnukeppni til að útkljá sigurvegara. 

Columbus Crew vann vítakeppnina 2-3 og leikinn því samtals 4-5. Rooney steig fyrstur á punktinn fyrir DC United og lét verja frá sér eins og sjá má hér fyrir neðan.

Þá tryggði Real Salt Lake sér einnig farseðil í 8-liða úrslitin í nótt með dramatískum sigri á Carlos Vela og félögum í Los Angeles FC 2-3.

A rough end to a great season for Wayne Rooney.

Rooney has his penalty saved and was eliminated from the Audi MLS Cup Playoffs. pic.twitter.com/kEEk57DvBj

— FOX Soccer (@FOXSoccer) November 2, 2018