Krakkarnir í City fengu heimsókn frá Messi

Þeir voru glaðir krakkarnir sem æfa hjá Manchester City þegar þeir mættu á æfingu í gær því þar beið óvæntur gestur á æfingarsvæðinu.

Lionel Messi er þar við æfingar með argentíska landsliðinu en Argentína æfir á æfingarsvæði City. Þeir eru að undirbúa sig fyrir HM í sumar þar sem þeir eru einmitt í riðli með Íslendingum.

Þessi magnaði leikmaður, sem hefur fimm sinnum verið valinn besti leikmaður heims, kíkti á æfingu hjá krökkunum í gær áður en hann hélt áfram að undirbúa sig fyrir leik Argentínu gegn Ítalíu á Etihad í kvöld.

Twitter-síða akademíu City birti mynd af Messi og Sergio Aguero heilsa upp á krakkana og þeir virtustu hinir hressustu. Aguero spilar þó ekki á morgun vegna meiðsla.

When Leo #Messi and @aguerosergiokun turn up at your U7 and U8 Academy training sessions...#ManCity pic.twitter.com/fH4ZDJBYTI

— Man City Academy (@ManCityAcademy) March 22, 2018