Netþjónustufyrirtækinu Hringiðunni ber að hindra aðgang viðskiptavina sinna að skráaskiptasíðum þar sem höfundaréttarvörðu efni er deilt. Hæstiréttur staðfesti lögbann sem lagt var á aðgang að síðunum árið 2015 í dag.
Sýslumaðurinn í Reykjavík lagði lögbann við því að Hringiðan og fleiri netþjónustufyrirtæki veittu viðskiptavinum aðgang að síðum eins og Deildu.net, Piratebay og fleiri vinsælum skráaskiptisíðum að kröfu Sambands tónskálda og eigenda flutningsréttar (STEF).
Hringiðan áfrýjaði dómi Héraðsdóms Reykjavíkur sem staðfesti lögbannið á sínum tíma til Hæstaréttar og krafðist þess að staðfestingu lögbannsins yrði synjað.
Hæstiréttur taldi hins vegar nægilega sýnt fram á að rétthafar ættu höfundarétt að efni sem deilt væri í heimildarleysi á vefsíðunum fyrir milligöngu fjarskiptafyrirtækja eins og Hringiðunnar. Því staðfesti Hæstiréttur lögbannið.
Hringiðan var jafnframt dæmd til þess að greiða STEF eina og hálfa milljóna króna í málskostnað í héraði og fyrir Hæstarétti.
Hæstiréttur staðfestir lögbann á deilisíður

Tengdar fréttir

Segja niðurstöðu Deildu-dómsins óskiljanlega
Hringiða segir að útfærsla lögbannsins á Deildu og Piratebay geri netið óörugga fyrir notendur allra fjarskiptafélaga.


Deildu-dómurinn: STEF segir allt frelsi vera takmörkunum háð
Í tilkynningu frá STEF sem send er fyrir hönd rétthafa segir að enginn vafi sé á að lögbann hafi áhrif og að rannsóknir og mælingar á netumferð hafi staðfest það.

Deildu-dómurinn: Segir héraðsdóm hafa tekið undir „tilgangsleysi og skaðsemi“ lögbannsins
Framkvæmdastjóri Símafélagsins segir að STEF sé á villigötum.