Uppfært: Útsendingunni úr Engey er nú lokið. Önnur andarnefjan komst á flot um klukkan 20:15 í kvöld. Sjá mátti hana svamla um eftir að hún komst á flot, en ekki liggur fyrir hvort hún sé illa særð.

Tvær andarnefjur festust í fjöru í Engey fyrir utan Reykjavík fyrr í dag. Starfsmenn Landhelgisgæslunnar og ferðaþjónustufyrirtækjanna Special Tours, Eldingu og Whale Safari hafa reynt að halda lífi í dýrunum, en önnur andarnefjan drapst nú skömmu eftir klukkan 19.

Elísabet Inga Sigurðardóttir fréttamaður og Friðrik Þór Halldórsson tökumaður eru stödd úti í Engey þarf sem fylgst er með björgunaraðgerðum. Hægt er að fylgjast með beinni útsendingu úr eynni hér.

Talið er að andarnefjurnar hafi að líkindum fest sig í fjörunni við að elta makríl. Hópurinn hafi reynt að koma handklæðum og lökum yfir dýrin til að halda á þeim hita og bera vatn til að hella yfir þær.