Skildu eftir skó sína á tröppum Stjórnarráðshússins
Ljósmæður sem hættu störfum hjá Landspítalanum í dag skildu eftir skó sína á tröppum Stjórnarráðshússins í dag.
Eins og Vísir greindi frá fyrr í dag hættu að minnsta kosti 19 ljósmæður störfum í dag. Þær birtu myndir af skóm sínum á Facebook í gær til þess að vekja athygli á bágri launastöðu starfstéttarinnar og þeirri alvarlegu stöðu sem upp er komin.
Samþykkt var fyrr í dag að yfirvinnubann ljósmæðra hefst þann 18. júlí. 90 prósent félagskvenna í Ljósmæðrafélagi Íslands greiddu atkvæði með yfirvinnubanni. Kosning um yfirvinnubann hófst fyrir helgi og lauk í dag. Þátttaka í kosningunni var um 80 prósent.
Tengdar fréttir
Ljósmæður leggja skóna á hilluna: „Orð fá ekki lýst sorginni í hjarta mínu“
Að minnsta kosti 12 ljósmæður hér á landi hætta störfum frá og með deginum í dag.
Ljósmæður samþykktu yfirvinnubann
90 prósent félagsmanna greiddu atkvæði með yfirvinnubanni sem hefst þann 14. júlí.
Yfirvinnubann ljósmæðra er nú í kortunum
Engin niðurstaða varð á fundi samninganefnda Ljósmæðrafélags Íslands og ríkisins hjá Ríkissáttasemjara í gær.
