Innlent

Bein útsending: Fyrsti fundur nýrrar borgarstjórnar

Margrét Helga Erlingsdóttir skrifar
Óvenju mörg mál eru á dagskrá fyrir fyrsta fund en þau eru alls 54 talsins.
Óvenju mörg mál eru á dagskrá fyrir fyrsta fund en þau eru alls 54 talsins. Vísir/Vilhelm
Ný borgarstjórn kemur saman til síns fyrsta fundar klukkan 14.00 í Ráðhúsi Reykjavíkur í dag.

Óvenju mörg mál eru á dagskrá fyrir fyrsta fund en þau eru alls 54 talsins. Dóra Björt Guðjónsdóttir, oddviti Pírata í Reykjavík, og verðandi forseti borgarstjórnar, stýrir fundinum. Nítjándi júní er fyrir margar sakir stór dagur í lífi Dóru Bjartar en þess má geta að oddvitinn á stórafmæli í dag en hún fagnar þrítugsafmæli sínu á þessum fyrsta fundi nýkjörinnar borgarstjórnar. Þá sagði Dóra Björt í samtali við fréttastofu í gær að það væri fagnaðarefni að fyrsti fundur verði haldinn á sjálfan kvenréttindadaginn.

Fundurinn í dag er sá fyrsti eftir að borgarfulltrúum var fjölgað úr 15 í 23 svo það gefur augaleið að Dóra Björt á mikið verk fyrir höndum. „Ég er að gera mig andlega tilbúna til að stjórna öllu þessu fólki og öllum þessum málum. Þetta verður bara frábært,“ sagði Dóra Björt, glöð í bragði í viðtali við Stöð 2 í gær.

 

 

Dagskrá fundarins er eftirfarandi:

1. Greinargerð yfirkjörstjórnar Reykjavíkur um úrslit borgarstjórnarkosninga 26. maí 2018

2. Kosning forseta borgarstjórnar til eins árs og tveggja varaforseta

3. Kosning borgarstjóra

4. Kosning tveggja skrifara til eins árs og tveggja til vara

5. Tillaga borgarfulltrúa Samfylkingarinnar, Viðreisnar, Pírata og Vinstri grænna um stofnun mannréttinda- og lýðræðisráðs

6. Tillaga borgarfulltrúa Samfylkingarinnar, Viðreisnar, Pírata og Vinstri grænna um stofnun menningar-, íþrótta- og tómstundaráðs

7. Tillaga borgarfulltrúa Samfylkingarinnar, Viðreisnar, Pírata og Vinstri grænna um stofnun skipulags- og samgönguráðs

8. Tillaga borgarfulltrúa Samfylkingarinnar, Viðreisnar, Pírata og Vinstri grænna um stofnun umhverfis- og heilbrigðisráðs

9. Tillaga borgarfulltrúa Samfylkingarinnar, Viðreisnar, Pírata og Vinstri grænna um að fresta kosningum í hverfisráð Reykjavíkurborgar til áramóta

10. Tillaga borgarfulltrúa Samfylkingarinnar, Viðreisnar, Pírata og Vinstri grænna um breytingar á samþykkt um stjórn Reykjavíkurborgar og fundarsköp borgarstjórnar – fyrri umræða

11. Kosning sjö borgarráðsfulltrúa til eins árs og sjö til vara; formannskjör og varaformannskjör

12. Kosning sjö manna í mannréttinda- og lýðræðisráð til fjögurra ára og sjö til vara; formannskjör

13. Kosning sjö manna í menningar-, íþrótta- og tómstundaráð til fjögurra ára og sjö til vara; formannskjör

14. Kosning sjö manna í skipulags- og samgönguráð til fjögurra ára og sjö til vara; formannskjör

15. Kosning sjö manna í skóla- og frístundaráð til fjögurra ára og sjö til vara; formannskjör

16. Kosning sjö manna í umhverfis- og heilbrigðisráð til fjögurra ára og sjö til vara; formannskjör

17. Kosning sjö manna í velferðarráð til fjögurra ára og sjö til vara; formannskjör

18. Kosning eins manns í almannavarnarnefnd til fjögurra ára og tveggja til vara

19. Kosning fimm fulltrúa í barnaverndarnefnd og fimm til vara; formannskjör

20. Kosning fimm manna í hverfisráð Árbæjar til fjögurra ára og fimm til vara; formannskjör

21. Kosning fimm manna í hverfisráð Breiðholts til fjögurra ára og fimm til vara; formannskjör

22. Kosning fimm manna í hverfisráð Grafarholts og Úlfarsárdals til fjögurra ára og fimm til vara; formannskjör

23. Kosning fimm manna í hverfisráð Grafarvogs til fjögurra ára og fimm til vara; formannskjör

24. Kosning fimm manna í hverfisráð Háaleitis og Bústaða til fjögurra ára og fimm til vara; formannskjör

25. Kosning fimm manna í hverfisráð Hlíða til fjögurra ára og fimm til vara; formannskjör

26. Kosning fimm manna í hverfisráð Kjalarness til fjögurra ára og fimm til vara; formannskjör

27. Kosning fimm manna í hverfisráð Laugardals til fjögurra ára og fimm til vara; formannskjör

28. Kosning fimm manna í hverfisráð Miðborgar til fjögurra ára og fimm til vara; formannskjör

29. Kosning fimm manna í hverfisráð Vesturbæjar til fjögurra ára og fimm til vara; formannskjör

30. Kosning þriggja manna í endurskoðunarnefnd til fjögurra ára og þriggja til vara; formannskjör

31. Kosning tveggja manna í ferlinefnd fatlaðs fólks til fjögurra ára og þriggja til vara; formannskjör

32. Kosning tveggja manna í fjölmenningarráð til fjögurra ára og þriggja til vara; formannskjör

33. Kosning þriggja manna í innkauparáð til fjögurra ára og þriggja til vara; formannskjör

34. Kosning þriggja manna í ofbeldisvarnarnefnd til fjögurra ára og þriggja til vara; formannskjör

35. Kosning tveggja manna í öldungaráð til fjögurra ára og þriggja til vara; formannskjör

36. Kosning fimm manna í stjórn Faxaflóahafna sf. til eins árs og fimm til vara; formannskjör

37. Kosning fimm manna í stjórn Orkuveitu Reykjavíkur sf. til eins árs og fimm til vara; formanns- og varaformannskjör

38. Kosning þriggja manna í stjórn Lífeyrissjóðs starfsmanna Reykjavíkurborgar til fjögurra ára og þriggja til vara; formannskjör

39. Kosning eins fulltrúa í stjórn Sorpu bs. til tveggja ára og eins til vara

40. Kosning eins fulltrúa í stjórn Strætó bs. til tveggja ára og eins til vara

41. Kosning þriggja manna í yfirkjörstjórn Reykjavíkur og þriggja til vara

42. Tillaga borgarfulltrúa Flokks fólksins um rekstrarúttekt á Félagsbústöðum

43. Tillaga borgarfulltrúa Sósíalistaflokks Íslands um stofnun félags strætófarþega

44. Tillaga borgarfulltrúa Sósíalistaflokks Íslands um stofnun félags skjólstæðinga velferðarsviðs

45. Tillaga borgarfulltrúa Sjálfstæðisflokksins um aðgerðir í húsnæðismálum

46. Tillaga borgarfulltrúa Sósíalistaflokks Íslands um stofnun félags leigjenda hjá Félagsbústöðum

47. Tillaga borgarfulltrúa Sósíalistaflokks Íslands um afnám þóknunar fyrir nefndarsetu starfsmanna borgarinnar fyrir fundi á vinnutíma

48. Tillaga borgarfulltrúa Sósíalistaflokks Íslands um könnun á umfangi útvistunar og áhrifum hennar á kjör launafólks

49. Tillaga borgarfulltrúa Miðflokksins um niðurfellingu byggingarréttargjalds

50. Tillaga borgarfulltrúa Sósíalistaflokks Íslands um afnám áhrifa byggingarréttargjalds á byggingarkostnað félagslegra íbúða og íbúða sem byggðar eru af óhagnaðardrifnum leigufélögum

51. Tillaga borgarfulltrúa Sósíalistaflokks Íslands um breytingar á samþykkt um stjórn Reykjavíkurborgar og fundarsköp borgarstjórnar – fyrri umræða

52. Tillaga um sumarleyfi borgarstjórnar

53. Framlagning og undirritun siðareglna kjörinna fulltrúa hjá Reykjavíkurborg

54. Fundargerð borgarráðs frá 7. júní


Tengdar fréttir

Valdefling strætófarþega rædd á fyrsta fundi borgarstjórnar

Fyrsti fundur nýrrar borgarstjórnar fer fram í dag. Kosið verður í nefndir og ráð og tekinn verður fyrir fjöldi tillagna frá nýjum borgarfulltrúum. Fulltrúi Sósíalistaflokksins, Sanna Magdalena Mörtudóttir, leggur fram fjölmargar tillögur meðal annars um valdeflingu fyrir tiltekna hópa sem nýta þjónustu borgarinnar. 




Fleiri fréttir

Sjá meira


×