Meirihlutaviðræður halda áfram í Fjölbrautaskólanum í Breiðholti
Viðræður Samfylkingar, Viðreisnar, Vinstri hreyfingarinnar – græns framboðs og Pírata um myndun meirihluta í Reykjavíkurborg halda áfram í dag og fara fram í Fjölbrautaskólanum í Breiðholti.
Í gær funduðu fulltrúar flokkanna í Marshall-húsinu úti á Granda en tveir fulltrúar hvers flokks fyrir sig taka þátt í viðræðunum.
Viðreisn ákvað seinnipartinn á miðvikudag að ganga til formlegra viðræðna um myndun nýs meirihluta í borginni með fráfarandi meirihlutaflokkum, Samfylkingu, Pírötum og Vinstri grænum. Í samtali við fréttastofu í gærkvöldi sagði Dagur B. Eggertsson, oddviti Samfylkingarinnar, að áherslurnar breytist með aðkomu Viðreisnar.
Tengdar fréttir
Áherslur munu breytast með aðkomu Viðreisnar að meirihluta í borginni
Þjónusta við borgarbúa og fyrirtæki verði efld og einfölduð en ekki verði skipað í embætti fyrr en flokkarnir hafi náð saman um málefnin.
Pawel hoppar hæð sína vegna yfirlýsingar Sósíalista
Pawel Bartoszek, nýkjörinn borgarfulltrúi Viðreisnar í Reykjavík, er ánægður með ákvörðun Sósíalistaflokksins en hann tilkynnti í gærkvöldi að hann hygðist ekki taka þátt í meirihlutasamstarfi á kjörtímabilinu.
Formlegar viðræður Samfylkingar, Viðreisnar, Pírata og VG hefjast
Óformlegar viðræður oddvita flokkanna um málefnagrunn leiddu til þeirrar sameiginlegu niðurstöðu að hefja formlegar viðræður á morgun.
