Skotin eftir langt flug heim
Starfsfólk Náttúrustofu Norðausturlands (NNA) gekk nýlega fram á kjóapar sem hafði verið skotið.
Í frétt á vef NNA kemur fram að starfsfólkið hafi heilsað upp á parið á hverju ári frá 2009. Kjóar eru alfriðaðir nema við friðlýst æðarvörp á varptíma en slíkt varp er hvergi í grenndinni. Hér er því um klárt lögbrot að ræða.
„Þeir eru skotnir þarna í algjöru tilgangsleysi og algjörum óþokkaskap. Maður veit ekki hvað býr innra með mönnum sem gera svona,“ segir Þorkell Lindberg, forstöðumaður NNA.
„Þeir koma ár eftir ár á sömu óðölin,“ bætir hann við um þennan langferðafugl en hér lýkur kjóinn 14 þúsund kílómetra ferðalagi sínu úr suðri.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
