Guðjón og Hermann nálgast úrslitakeppni

Kerala Blasters með Guðjón Baldvinsson í broddi fylkingar vann 1-0 útisigur á NorthEast United í indversku deildinni í knattspyrnu í dag.

Eina mark leiksins gerði fyrrum varnarmaður Manchester United, Wes Brown, með skalla eftir hornspyrnu, en markið kom á 24. mínútu leiksins.

Guðjón spilaði allan leikinn, en hann er á láni hjá félaginu þangað til Pepsi-deildin hefst í vor. Hann komst í gott færi eftir sendingu frá Berbatov, en lét verja frá sér.

Liðið hefur ekki tapað með Guðjón innanborðs, en hann gekk í raðir liðsins í lok janúar.

Liðið er nú í fimmta sætinu, stigi á eftir Jamshedpur, en fjögur efstu sætin gefa þáttökurétt í úrslitakeppni þar sem er leikið undanúrslit og svo úrslit. Kerala á tvo leiki eftir, en Jamshedpur á þrjá.

Hermann Hreiðarsson er aðstoðarþjálfari liðsins.

Berbatov set up Baldvinsson, who saw his shot saved by Rehenesh!

Watch it LIVE on @hotstartweets: https://t.co/5FAmYYAcbL
JioTV users can watch it LIVE on the app. #ISLMoments #NEUKER #LetsFootball pic.twitter.com/8lI4zCrMwI

— Indian Super League (@IndSuperLeague) February 17, 2018