Albert svellkaldur á vítapunktinum í sigri PSV

Albert Guðmundsson heldur áfram að salla inn mörkum fyrir Jong PSV í hollensku B-deildinni í knattspyrnu. Jong PSV vann 2-1 sigur á Den Bosch í kvöld.

Albert kom Jong PSV yfir á áttundu mínútu af vítapunktinum, en ef marka má Twitter-síðu PSV var Albert ískaldur á vítapunktinum.

Muhammed Mert, fyrrum leikmaður Víkings úr Reykjavík, jafnaði metin fyrir Den Bosch á átjándu mínútu, en Mert var skelfilegur þann stutta tíma sem hann var hjá Víking.

Sam Lammers skoraði svo sigurmarkið fyrir Jong PSV á 62. mínútu, en PSV-liðið er í fimmta sæti deildarinnar með 43 stig, níu stigum frá toppliði Jong Ajax.

8 - Doelpunt Jong PSV! Albert Gudmundsson benut een penalty. De IJslander schiet de bal ontzettend koel binnen, na een overtreding op Cody Gakpo: 1-0 Jong PSV. pic.twitter.com/sQKwOxKve3

— PSV (@PSV) February 19, 2018