Ronaldo vill sjá Messi á Ítalíu: „Kannski saknar hann mín“

Cristiano Ronaldo, einn besti knattspyrnumaður í heimi, segist ekki sakna Lionel Messi en segir að hann væri til í að sjá hann spila á öðrum stað en Spáni. Til að mynda Ítalíu þar sem Ronaldo spilar núna.

Messi og Ronaldo hafa verið að berjast á Spáni undanfarin ár en nú hefur Ronaldo tekið yfir Ítalíu á meðan Messi leikur listir sínar á Spáni.

„Ég vona að hann komi til Ítalíu einn daginn. Ég vona að hann taki áskoruninni einn daginn eins og ég en ef hann er ánægður á Spáni ber ég virðingu fyrir því,“ sagði Ronaldo í samtali við ítölsku pressuna. Saknar hann Messi?

„Nei, kannski er það hann sem saknar mín. Ég hef spilað á Englandi, Spáni, Ítalíu og Portúgal og einnig fyrir þjóð mína á meðan hann hefur bara verið á Spáni. Kannski þarfnast han mín.“

„Fyrir mig þá er lífið áskorun. Mér líkar við að gleðja fólk. Messi er frábær leikmaður og góður strákur en ég sakna ekki neins frá Spáni. Þetta er mitt nýja líf og ég er ánægður. Ég fór út fyrir þægindarammann og tók þessari áskorun.“

„Ég hafði fleiri möguleika en ég vil ekki segja segja hverjir þeir voru. Juventus er góður klúbbur með langa sögu. Ég vissi hvernig stemningin var á vellinum og ég spilaði nokkrum hér. Mér líkar við við félögin, fólkið og félagið,“ sagði þessi magnaði kappi að lokum.