Emil og félagar unnu nauman sigur

Emil Hallfreðsson og félagar í Udinese komust upp í 8. sæti deildarinnar eftir nauman 1-0 sigur á Genoa í dag en Emil kom inná sem varamaður.

Eina mark leiksins leit dagsins ljós á 61. mínútu en það var Valon Behrami sem skoraði markið. Stuttu seinna fékk leikmaður Udinese, Samir, að líta rauða spjaldið og því stefndi allt í erfiðan lokakafla fyrir Udinese.

Emil og félagar náðu þó að halda leikinn út og fengu að lokum stigin þrjú en Emil kom inná á 63. mínútu

Úrslit dagsins:

SPAL 2013 1-1 Inter

Crotone 1-1 Cagliari

Fiorintina 1-4 Hellas Verona

Genoa 0-1 Udinese

Napoli 3-1 Bologna

Torino 3-0 Benevento