„Köngulóarmaðurinn “ orðinn að slökkviliðsmanni

Malímaðurinn Mamoudo Gassama, sem hylltur hefur verið hetja í Frakklandi eftir frækilega björgun á fjögurra ára gömlu barni, hóf störf hjá slökkviliði Parísar á dögunum.

Myndband af björguninni vakti mikla athygli en á því má sjá hvernig hinn 22 ára gamli Gassama klifrar upp fjórar hæðir til þess að koma dreng til bjargar sem hékk fram af svölum í París. 

Eftir björgunina fékk hann viðurnefnið „köngulóarmaðurinn.“

Vinsældir myndbandsins leiddu til þess að Gassama var boðið á fund Emmanuel Macrons, forseta Frakklands, þar sem honum var boðinn franskur ríkisborgararéttur.

Í kjölfar ríkisborgararéttsins var Massama boðið starf hjá slökkviliði Parísar, þar sem hann hefur nú hafið störf.

Hér má sjá Twitter færslu slökkviliðs Parísar þar sem Massama er boðinn velkominn til starfa.

24 nouveaux volontaires service civique dont Mamoudou Gassama ont rejoint cet après midi la brigade de sapeurs-pompiers de Paris. Félicitations à eux Pour celles et ceux qui veulent nous rejoindre https://t.co/j8oOCktHbv pic.twitter.com/bcc6h448nP

— Pompiers de Paris (@PompiersParis) June 28, 2018