Sjáðu frábært hlaup Guðjóns Baldvins sem skilaði víti en ekki marki

Guðjón Baldvinsson og félagar í indverska liðinu Kerala Blasters urðu að sætta sig við markalaust jafntefli við Chennaiyin á heimavelli í indversku deildinni í dag.

Lið Chennaiyin er í þriðja sæti deildarinnar, tveimur sætum og fjórum stigum á undan Kerala Blasters sem náði þar með ekki að minnka muninn á milli þeirra.

Guðjón Baldvinsson var í byrjunarliðinu eins og í síðustu þremur leikjum og spilaði allan leikinn. Búlgarinn Dimitar Berbatov var tekinn af velli á 63. mínútu.

Kerala Blasters hefur ekki tapað síðan að íslenski framherjinn mætti á svæðið en liðið hafði unnið þrjá af fyrstu fjórum leikjum hans.

Guðjón gerði frábærlega á 53. mínútur þegar hann óð í gegnum vörn Chennaiyin og fiskaði vítaspyrnu eins og sjá má hér fyrir neðan.

The referee awarded a penalty to @KeralaBlasters here!

Watch it LIVE on @hotstartweets: https://t.co/CdgXQtYFjG

JioTV users can watch it LIVE on the app. #ISLMoments#KERCHE#LetsFootballpic.twitter.com/VnOWHDWxNm

— Indian Super League (@IndSuperLeague) February 23, 2018

Ganamaðurinn Courage Pekuson fór á vítapunktinn en lét verja frá sér vítaspyrnuna. Mikil vonbrigði fyrir Kerala Blasters liðið sem náði ekki að tryggja sér sigurinn.

Guðjón var ógnandi og nokkrum sinnum nálægt því að skora. Kerala Blasters hafði líka heppnina með sér í lokin þegar leikmenn Chennaiyin skutu í stöngina.