Rúnar Már spilaði allan leikinn í sigri

Rúnar Már Sigurjónsson spilaði allan leikinn í sigri Grasshopper gegn Sion í svissnesku deildinni í dag.

 

Fyrir leikinn var Grasshopper í neðsta sæti deildarinnar með aðeins tvö stig eftir fimm leiki.

 

Það var fátt um fína drætti í fyrri hálfleiknum og því voru engin mörk skoruð. Í seinni hálfleiknum voru Rúnar og liðsfélagar hans ekki lengi að skora en það gerðist á 50. mínútu en það var Nabil Bahoui sem skoraði markið.

 

Gestirnir frá Sion voru þó ekki lengi að jafna metin en það gerðist aðeins tíu mínútum seinna en markið skoraði Moussa Djitte.

 

Nabil Bahoui tryggði Grasshopper síðan sigurinn í uppbótartíma og því stigin þrjú komin. Eftir leikinn er Grasshopper með fimm stig.