Karla að borðinu til að stöðva kynlífsþrælkun 23. maí 2017 07:00 Um 700 þúsund manns eru seld kynlífsmansali í Evrópu. 95 prósent þeirra eru konur og börn. Nordicphotos/AFP „Nýjustu tölur benda til að tæplega átta prósent sænskra karla hafi keypt vændi einu sinni eða oftar. Í mörgum löndum er hlutfallið hærra. Í Þýskalandi hafa 25 prósent karla keypt sér vændi,“ segir Klas Hyllander, sænskur sérfræðingur í kynjajafnrétti og því hvernig koma megi í veg fyrir ofbeldi gegn konum. „Langtímamarkmiðið er einfaldlega að stoppa eftirspurnina. Til þess þurfum við lagasetningar og aðkomu lögreglu, félagsþjónustu og skólakerfis.“ Rannsóknir bendi til að hlutfall karla sem kaupa vændi hafi lækkað í Svíþjóð eftir lagasetningu sem banni vændiskaup. Hyllander er staddur hér á landi og stýrir pallborðsumræðum og vinnustofu á Barbershop-ráðstefnunni sem haldin er af utanríkisráðuneytinu í dag. Ráðstefnan er haldin í tengslum við formennsku Íslands í Eystrasaltsráðinu og í ár er þemað tengt mansali. Tilgangur ráðstefnunnar er að ná til karla í umræðu um jafnréttismál. Ráðstefnan stendur yfir frá níu til fjögur í Norræna húsinu.Klas Hyllander sérfræðingur í vörnum gegn ofbeldi gegn konum.vísir/eyþórTölur frá Sameinuðu þjóðunum benda til að um 700 þúsund manns séu seld kynlífsmansali í Evrópu. Talið er að 95 prósent fórnarlamba kynlífsmansals séu börn og konur. Hyllander segir að lykillinn að því að uppræta mansal sé að stöðva eftirspurnina eftir vændi. Sú vinna þurfi að liggja dýpra en verið hefur og ná alveg niður í kjarna hugmynda samfélags um karlmennsku. „Það er mikilvægt að karlmenn átti sig á því að kynjamálefni varða líf þeirra. Við þurfum að breyta þeirri hugmynd að karlmennsku fylgi einhvers konar stjórn yfir öðrum,“ segir Hyllander. „Sænsk samtök sem heita KAST bjóða körlum sem kaupa vændi aðstoð við að hætta því. Þar hefur komið í ljós að vændiskaupendur nota vændi til að tækla aðrar erfiðar tilfinningar, t.d. streitu. Þeir kaupa aðgang að líkama annarra til að upplifa vald og tappa af neikvæðum tilfinningum. Við eigum að geta unnið með þessar tilfinningar,“ segir hann. Hyllander segir karlmenn marga hverja styðja jafnrétti kynjanna að fullu en þegar talað sé um málefni kynjanna sé sjálfkrafa hugsað um það sem málefni kvenna. Það vanti að karlmenn stígi upp og ræði þann anga umræðunnar sem snúi að þeim. „Við áttum okkur oft ekki á því að sömu hlutir og gefa körlum vald og forréttindi geta líka verið mjög skaðlegir körlum. Úti um allan heim eru karlmenn líklegri til sjálfsvíga, líklegri til að lenda í slysum og ánetjast vímuefnum. Sú hugmynd virðist ríkja um allan heim að það sé ekki samfélagslega viðurkennt af karlmönnum að sýna veikleika og tala um tilfinningar sem leiðir til þess að karlmenn leita sér ekki aðstoðar við geðrænum vanda. Það leiðir okkur að neikvæðri hegðun karla sem bitnar svo á konum.“ Hann segir umfangsmiklar rannsóknir í Svíþjóð benda til þess að heilbrigðisstarfsfólk þekki ekki einkenni þunglyndis hjá körlum. „Í Svíþjóð erum við með ungmennahús þar sem ungt fólk getur sótt sér kynfræðslu, aðstoð við geðrænum vanda og fleira. Stelpur eru níu af hverjum tíu sem sækja í þessa þjónustu. Strákarnir mæta hreinlega ekki og það er stóra vandamálið.“ Staðreyndir um mansal 54 % af mansali í heiminum er kynlífsþrælkun 71 % mansalsfórnarlamba eru konur og stúlkur 63 % af þeim sem selja annað fólk mansali eru karlar, 37 % eru konur 28 % mansalsfórnarlamba eru börn 66 % mansalsfórnarlamba í Evrópu eru seld kynlífsþrælkun. Það er langhæsta hlutfallið miðða við önnur landsvæði. *Tölur fengnar frá skýrslu UNODC fíkniefna- og afbrotamálaskrifstofu SÞ frá árinu 2016 Birtist í Fréttablaðinu Mest lesið Litaðir seðlar til skoðunar og málið á mjög viðkvæmu stigi Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent Íslenskar stjörnur fái peninga að gjöf til að leggja undir í veðmálum Innlent Forsetavaktin 2024: Hver verður sjöundi forseti lýðveldisins? Innlent Gæti dregið til tíðinda á næstu klukkustundum Innlent Hjólastólinn í „tengdamömmuboxi“ á toppi bílsins Innlent Rúður skotnar í spað í verslun innflytjenda Innlent Allt að fimm milljóna króna sekt á hvern fisk Innlent Hver er Kári Hansen? Innlent Fleiri fréttir Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Bein útsending: Kynna skýrslu um aðra orkukosti Aukin virkni í gosinu Sjá meira
„Nýjustu tölur benda til að tæplega átta prósent sænskra karla hafi keypt vændi einu sinni eða oftar. Í mörgum löndum er hlutfallið hærra. Í Þýskalandi hafa 25 prósent karla keypt sér vændi,“ segir Klas Hyllander, sænskur sérfræðingur í kynjajafnrétti og því hvernig koma megi í veg fyrir ofbeldi gegn konum. „Langtímamarkmiðið er einfaldlega að stoppa eftirspurnina. Til þess þurfum við lagasetningar og aðkomu lögreglu, félagsþjónustu og skólakerfis.“ Rannsóknir bendi til að hlutfall karla sem kaupa vændi hafi lækkað í Svíþjóð eftir lagasetningu sem banni vændiskaup. Hyllander er staddur hér á landi og stýrir pallborðsumræðum og vinnustofu á Barbershop-ráðstefnunni sem haldin er af utanríkisráðuneytinu í dag. Ráðstefnan er haldin í tengslum við formennsku Íslands í Eystrasaltsráðinu og í ár er þemað tengt mansali. Tilgangur ráðstefnunnar er að ná til karla í umræðu um jafnréttismál. Ráðstefnan stendur yfir frá níu til fjögur í Norræna húsinu.Klas Hyllander sérfræðingur í vörnum gegn ofbeldi gegn konum.vísir/eyþórTölur frá Sameinuðu þjóðunum benda til að um 700 þúsund manns séu seld kynlífsmansali í Evrópu. Talið er að 95 prósent fórnarlamba kynlífsmansals séu börn og konur. Hyllander segir að lykillinn að því að uppræta mansal sé að stöðva eftirspurnina eftir vændi. Sú vinna þurfi að liggja dýpra en verið hefur og ná alveg niður í kjarna hugmynda samfélags um karlmennsku. „Það er mikilvægt að karlmenn átti sig á því að kynjamálefni varða líf þeirra. Við þurfum að breyta þeirri hugmynd að karlmennsku fylgi einhvers konar stjórn yfir öðrum,“ segir Hyllander. „Sænsk samtök sem heita KAST bjóða körlum sem kaupa vændi aðstoð við að hætta því. Þar hefur komið í ljós að vændiskaupendur nota vændi til að tækla aðrar erfiðar tilfinningar, t.d. streitu. Þeir kaupa aðgang að líkama annarra til að upplifa vald og tappa af neikvæðum tilfinningum. Við eigum að geta unnið með þessar tilfinningar,“ segir hann. Hyllander segir karlmenn marga hverja styðja jafnrétti kynjanna að fullu en þegar talað sé um málefni kynjanna sé sjálfkrafa hugsað um það sem málefni kvenna. Það vanti að karlmenn stígi upp og ræði þann anga umræðunnar sem snúi að þeim. „Við áttum okkur oft ekki á því að sömu hlutir og gefa körlum vald og forréttindi geta líka verið mjög skaðlegir körlum. Úti um allan heim eru karlmenn líklegri til sjálfsvíga, líklegri til að lenda í slysum og ánetjast vímuefnum. Sú hugmynd virðist ríkja um allan heim að það sé ekki samfélagslega viðurkennt af karlmönnum að sýna veikleika og tala um tilfinningar sem leiðir til þess að karlmenn leita sér ekki aðstoðar við geðrænum vanda. Það leiðir okkur að neikvæðri hegðun karla sem bitnar svo á konum.“ Hann segir umfangsmiklar rannsóknir í Svíþjóð benda til þess að heilbrigðisstarfsfólk þekki ekki einkenni þunglyndis hjá körlum. „Í Svíþjóð erum við með ungmennahús þar sem ungt fólk getur sótt sér kynfræðslu, aðstoð við geðrænum vanda og fleira. Stelpur eru níu af hverjum tíu sem sækja í þessa þjónustu. Strákarnir mæta hreinlega ekki og það er stóra vandamálið.“ Staðreyndir um mansal 54 % af mansali í heiminum er kynlífsþrælkun 71 % mansalsfórnarlamba eru konur og stúlkur 63 % af þeim sem selja annað fólk mansali eru karlar, 37 % eru konur 28 % mansalsfórnarlamba eru börn 66 % mansalsfórnarlamba í Evrópu eru seld kynlífsþrælkun. Það er langhæsta hlutfallið miðða við önnur landsvæði. *Tölur fengnar frá skýrslu UNODC fíkniefna- og afbrotamálaskrifstofu SÞ frá árinu 2016
Birtist í Fréttablaðinu Mest lesið Litaðir seðlar til skoðunar og málið á mjög viðkvæmu stigi Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent Íslenskar stjörnur fái peninga að gjöf til að leggja undir í veðmálum Innlent Forsetavaktin 2024: Hver verður sjöundi forseti lýðveldisins? Innlent Gæti dregið til tíðinda á næstu klukkustundum Innlent Hjólastólinn í „tengdamömmuboxi“ á toppi bílsins Innlent Rúður skotnar í spað í verslun innflytjenda Innlent Allt að fimm milljóna króna sekt á hvern fisk Innlent Hver er Kári Hansen? Innlent Fleiri fréttir Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Bein útsending: Kynna skýrslu um aðra orkukosti Aukin virkni í gosinu Sjá meira