Bein útsending: Costco opnar í Kauptúni

Bandaríski verslunarrisinn Costco opnar vöruhús sitt í Kauptúni í Garðabæ í dag.

Opnunarinnar er vægast sagt beðið með mikilli eftirvæntingu en alls hefur verið sótt um 40 þúsund aðildarkort hjá versluninni hér á landi.

Það eru því allar líkur á því að mörg hundruð manns, ef ekki þúsundir, verði í Garðabænum nú í morgunsárið og freisti þess að gera góð kaup um leið og Costco opnar.

Vísir fylgist að sjálfsögðu grannt með, meðal annars í beinni útsendingu frá Kauptúni  til að fanga stemninguna, heyra í fólkinu í röðinni og kíkja svo inn í búðina.

Hér að neðan má svo fylgjast með vakt Vísis vegna opnunarinnar.