Marta Magnúsdóttir var í dag kjörinn skátahöfðingi Íslands á skátaþingi sem haldið er á Akureyri. Marta er 23 ára og er yngsti skátahöfðinginn frá upphafi.
Hún sigraði gegn Ólafi Proppé, fyrrverandi rektor Kennaraháskólans, í kosningum til skátahöfðingja næstu tveggja ára. Marta hlaut 43 atkvæði gegn 35 atkvæðum Ólafs en þrír sátu hjá.
Nokkrar deilur hafa verið meðal skáta undanfarna mánuði. Fjörutíu og fimm skátar lýstu yfir vantrausti á þáverandi skátahöfðingja Braga Björnsson og aðstoðarskátahöfðingjann Fríðu Finnu Sigurðardóttur vegna framgöngu þeirra í eineltismáli.
Þessi ágreiningur leiddi til þess að Bragi sagði af sér í janúar og tók þá Fríður Finna við embætti skátahöfðingja. Hún tilkynnti tilkynnti á aukaskátaþingi í febrúar að hún gæfi ekki kost á sér til áframhaldandi setu.
Marta hafði betur gegn Ólafi og verður yngsti skátahöfðingi frá upphafi
Tengdar fréttir
Tugir skáta lýsa yfir vantrausti á skátahöfðingja
Er það gert vegna framgöngu hans og aðstoðarskátahöfðingjans í eineltismáli og vegna brottvikningar framkvæmdastjóra.
Lýstu yfir vanþóknun á fyrrverandi skátahöfðingja
Vantrautstillaga á fyrrverandi skátahöfðingja var samþykkt á aukaskátafundi Bandalags íslenskra skáta í dag, eftir deilur innan hreyfingarinnar.
Deilur innan Skátanna: Skátahöfðingi stígur til hliðar
Vonast til þess að sátt skapist um forystu skátastarfs á landinu.
Uppsögn framkvæmdastjóra skekur skátahreyfinguna
Trúnaðarbrestur milli framkvæmdastjórans og stjórnar segir skátahöfðingi.
