Íslenska karlalandsliðið í knattspyrnu fær stuðning úr öllum áttum í kvöld. Liðið á möguleika á að tryggja sér sæti á HM í Rússlandi næsta sumar og er nokkuð víst að allir Íslendingar fylgist spenntir með.

Hljómsveitin Kaleo birti á Twitter færsluna „Koma svo!!!“ rétt í þessu. Með kveðjunni fylgdi mynd af Jökli Júlíussyni berum að ofan. Hann er auðvitað málaður í fánalitunum.

Ísland verður minnsta þjóðin sem hefur farið á HM, komist þeir þangað. Núverandi met er í höndum Trínidad og Tóbagó, en þar búa 1,3 milljónir manna. Ísland vann Kósóvó úti 1-2, en sá leikur var alls ekki auðveldur fyrir íslenska liðið. Gylfi Þór Sigurðsson skoraði bæði mörkin og sá um að tryggja Íslandi sigur.

Koma svo!!!pic.twitter.com/v5c3ikdGxh

— Kaleo (@officialkaleo) October 9, 2017