Enska knattspyrnusambandið rannsakar ólætin á Old Trafford

Enska knattspyrnusambandið hefur beðið bæði Manchester-liðin um skýrslur þeirra vegna atburða sem áttu sér stað í göngunum á Old Trafford eftir leik liðanna í gær.

Ólæti brutust út eftir sigur City á heimavelli nágrannana þar sem mjólk var hent á Jose Mourinho og aðstoðarþjálfari City, Mikel Arteta, særðist á höfði svo blæddi úr.

Leikmenn og starfsfólk City-liðsins á að hafa fagnað gríðarlega í göngunum, svo mikið að starfsfólk United undraðist á látunum.

Dómari leiksins, Michael Oliver, skráði atvikið ekki í skýrslu sinni og því mun knattspyrnusambandið hefja rannsókn á atvikinu.

Félögin hafa til 13. desember að svara knattspyrnusambandinu.

The FA has contacted Manchester United and Manchester City to ask for their observations following reports of an incident after Sunday’s game. Both clubs have until Wednesday 13 December to respond.

— FA Spokesperson (@FAspokesperson) December 11, 2017