Einlæg gleði þar sem allir eru sigurvegarar

Óhætt er að segja að gleðin hafi skinið úr andlitum barnanna sem kepptu í Frístundahreysti í Laugardalshöllinni í gær. Þetta er annað árið í röð sem keppni fer fram.

Guðni Th. Jóhannesson, forseti Íslands, og lögreglumenn af höfuðborgarsvæðinu heiðruðu börnin með nærveru sinni en keppnin er sniðin að þörfum barna með sérþarfir.

Á leikunum eru allir sigurvegarar en börnin í fyrstu fjórum bekkjum Guluhlíðar fór einn þrautahring og eldri börn, í Klettaskóla og frístundastarfi í Öskju, fóru annan.

Keppendur dönsuðu svo og sungu eins og sjá má í myndbandinu að ofan.