Aðeins einn sigur hjá Lokeren í síðustu níu leikjum

Lærisveinar Rúnars Kristinssonar í Lokeren gerðu markalaust jafntefli við Oostende á útivelli í belgísku úrvalsdeildinni í kvöld.

Lokeren hefur ekki gengið vel að undanförnu og aðeins unnið einn af síðustu níu leikjum sínum.

Jafnteflið í kvöld dugði þó liðinu til að komast upp í 12. sæti deildarinnar.

Ari Freyr Skúlason lék allan leikinn fyrir Lokeren í stöðu vinstri bakvarðar.

Enski framherjinn Gary Martin kom inn á í hálfleik en tókst ekki að skora, ekki frekar en öðrum leikmönnum á vellinum.