Messan: Lukaku eins og stórt barn

Athygli vakti að Romelu Lukaku stökk ekki bros þegar hann skoraði í 1-2 sigri Manchester United á West Brom á The Hawthornes í gær.

Lukaku fagnaði heldur ekki þegar hann skoraði í sigri United á Bournemouth á miðvikudaginn.

„Það er búið að gagnrýna hann mikið og hann er greinilega eins og stórt barn og fer í fýlu út af því,“ sagði Reynir Leósson í Messunni í gær. „Það er eitthvað að angra hann.“

Ríkharður Daðason vildi sjá smá viðbrögð frá Lukaku þegar hann skoraði í leiknum í gær.

„Þú getur fagnað á mismunandi máta en taktu þátt í gleðinni með stuðningsmönnunum,“ sagði Ríkharður.

Innslagið í heild sinni má sjá í spilaranum hér að ofan.