Iniesta líklega meiddur út árið

Knattspyrnufélagið Barcelona hefur staðfest að miðjumaðurinn Andres Iniesta er meiddur en hann skaddaðist á liðböndum í hné í leiknum gegn Valencia sem fram fór í gær.

Barcelona vann leikinn 3-2 en Iniesta varð að fara af velli snemma leiks vegna meiðslanna. Félagið telur líklegt að Iniesta spili ekki meira á þessu ári og verði orðinn klár í byrjun þess næsta.

Barcelona er í efsta sæti spænsku úrvalsdeildarinnar en Lionel Messi gerði tvö mörk fyrir liðið í gærkvöldi.