Íslenskar konur opna sig um kynferðisofbeldi eftir ummæli Trump

Á annan tug íslenskra kvenna hefur deilt frásögnum af fyrstu upplifun sinni af kynferðislegu ofbeldi á samskiptavefnum Twitter. Frásagnirnar hófu að streyma inn í kjölfar þess að Hildur Lillendahl benti á tíst hinnar kanadísku Kelly Oxford þar sem hún hvatti konur til að deila sögu sinni.

Oxford ákvað að koma umræðunni af stað eftir að Washington Post birti ellefu ára gamalt myndband af forsetaframbjóðandanum Donald Trump á föstudag þar sem hann stærði sig af því að komast upp með að káfa á konum.





 

 

Women: tweet me your first assaults. they aren't just stats. I'll go first:

Old man on city bus grabs my "pussy" and smiles at me, I'm 12.

— kelly oxford (@kellyoxford) October 7, 2016

Viðbrögðin stóðu ekki á sér og hófu fjölmargar konur að segja frá sinni upplifun. Sagði hún frá því í öðru tísti fjórtán klukkustundum síðar að hún hefði fengið sendar að lágmarki 50 frásagnir á hverri mínútu frá því að tíst hennar fór í loftið.  

Í myndbandinu sem fékk Oxford til að fara af stað með þessa umræðu heyrist Trump ræða við sjónvarpsmanninn Billy Bush um konur á mjög grófan hátt.

„Ég dregst bara sjálfkrafa að fallegum konum. Ég byrja bara að kyssa þær, eins og segull. Bara kyssi þær. Ég bíð ekki einu sinni. Þegar þú ert stjarna leyfa þær þér það. Þú getur gert hvað sem er. Gripið í píkuna á þeim. Þú getur gert hvað sem er“ var meðal þess sem að Trump lét út úr í samtali sínu við Bush.

Trump var krafinn svara

Mikið var gert úr málinu í kappræðunum milli forsetaframbjóðandanna, Donald Trump og Hillary Clinton í gærkvöldi.

Anderson Cooper spurði Trump út í ummæli hans á myndbandinu og lýsti því sem svo að Trump hefði talað um þar að hann hefði brotið kynferðislega á konum. Því var Trump alls ekki sammála og sagðist aldrei hafa sagt slíkt. 

Málið hefur komið einkar illa við Trump sem eins og staðan er stendur ansi höllum fæti fyrir kosningarnar. 

Hér að neðan má lesa nokkrar af þeim átakanlegu frásögnum sem íslenskar konur hafa deilt á Twitter.

Samsek. Don't we all. Fkn fokk. pic.twitter.com/UTm1ptZ52a

— Hildur Lill ♀ (@hillldur) October 9, 2016

Ég grenja bara. Þetta er rugl. pic.twitter.com/vRHjgV7R4y

— Hildur Lill ♀ (@hillldur) October 10, 2016

Enn ein, andskotinn. pic.twitter.com/WoKVpeceSr

— Hildur Lill ♀ (@hillldur) October 10, 2016

Guð minn góður pic.twitter.com/MCukxVArTF

— Hildur Lill ♀ (@hillldur) October 10, 2016