Aprílspá Siggu Kling – Krabbi: Hlutverk þitt er að upplifa ævintýri

Elsku hjartans krabbinn minn. Þú ert svo líflegur og yndislegur persónuleiki. Svo sterkur en samt svo viðkvæmur, en það eru fáir sem gera sér grein fyrir viðkvæmninni þinni.

Þú ert búinn að vera að vinna yfir þig og ert eitthvað pínulítið sorgmæddur yfir einhverju sem skiptir ekki öllu máli. Ekki vera að skapa kvíða, það er nóg til af erfiðleikum samt.

Þú þarft að plana og skipuleggja, sækja til þín fólk aftur úr fortíðinni sem skipti þig einhvern tímann miklu máli því það mun breyta orkunni þinni og gefa þér þá Superman-krafta sem þig vantar.

Það þarf alltaf að vera einhver aksjón í kringum þig, annars finnst þér þú bara vera staddur í þoku.

Það er í eðli þínu að öðlast meira sjálfstraust og líða betur eftir því sem þú verður eldri.

Ef þú ert ekki búinn að taka neina áhættu í sambandi við vinnu eða skóla þá líður þér ekki eins vel og þér gæti liðið. Og næstu tveir mánuðir sýna þér svo sannarlega skýrt hvar þú vilt vera og hvað þú átt að gera.

Hlutverk þitt er að upplifa ævintýri elskan mín svo taktu þátt!

Þér verður boðið upp á svo margt að þú gætir fengið valkvíða og hversu spennandi er það eiginlega?

Þú hefur svo mikla hæfileika til þess að gleðja aðra og veita andlega upplyftingu og þín er sárt saknað ef þú mætir ekki í vinnuna eða skólann.

Þú átt eftir að vera eitthvað svo sýnilegur á næstunni svo lærðu að njóta augnabliksins og notaðu hjartagæsku þína til að hjálpa fólki í kringum þig.

Láttu enga á þér hæða, þú munt á þínum gjörðum græða!

Lífið er gott,

Þín Sigga Kling

Frægir krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari.