Leikurinn gegn KR generalprufa Vieira og félaga fyrir MLS-deildina

KR-ingar héldu til Bandaríkjanna í vikunni þar sem þeir verða í æfingabúðum næstu tvær vikurnar.

KR mun spila á fjögurra liða æfingamóti í bænum Bradenton í Flórída ásamt MLS-liðinu New York City FC, FC Cincinnati sem leikur í USL-deildinni, og danska liðinu HB Köge.

KR-ingar spila fyrst gegn FC Cincinnati á morgun og svo gegn Köge á miðvikudaginn. Síðasti leikrurinn verður svo 27. febrúar gegn stjörnum prýddu liði New York City FC.

Patrick Vieira tók við þjálfun NYC FC fyrir tímabilið og þá eru þrjár evrópskra stjörnur í leikmannahópnum - þeir David Villa, Frank Lampard og Andrea Pirlo. Þá er landsliðsmaðurinn Mix Diskerud einnig á mála hjá NYC FC.

Leikurinn gegn KR verður síðasti æfingaleikur NYC FC fyrir tímabilið í MLS-deildinni en liðið mætir Chicago Fire í fyrsta leik sínum þann 6. mars.

Þetta verður enn fremur fimmti æfingaleikur NYC FC í febrúar en liðið hefur leikið fyrstu tvo þeirra og unnið þá báða, 1-0.