Sverrir Ingi sá rautt í tapleik

Sverrir Ingi Ingason var í byrjunarliði Lokeren sem mátti þola 3-1 tap fyrir Gent í belgísku úrvalsdeildinni í kvöld.

Sverrir Ingi fékk að líta rauða spjaldið í kvöld eftir að hafa fengið sína aðra áminningu í leiknum á 84. mínútu. Staðan var þá 2-1 fyrir Genk sem skoraði þriðja mark sitt undir lok leiksins.

Þetta var fyrsta rauða spjald Sverris Inga í vetur en hann hefur verið fastamaður í liði Lokeren allt tímabilið.

Lokeren er eftir tapið sem fyrr í ellefta sæti deildarinnar með 30 stig en Gent komst í 58 stig og jafnaði þar með Club Brugge að stigum á toppnum. Club Brugge á leik til góða gegn Genk á morgun.