Vladímir Pútin á hafsbotni Svartahafs

Vladímir Pútín forseti Rússlands ferðaðist í dag niður á botn Svartahafs í litlum kafbát. Tilgangur ferðarinnar var að skoða skipsflak sem talið er vera Bísantísk verslunarskip frá 9. eða 10. öld sem sökk skammt undan ströndum Krímskaga.

Þetta var ekki í fyrsta sinn sem Pútín skoðar undur hafsins. Hann hefur siglt í kafbátum um Finnlandsflóa og Bajkal-vatn. Einnig hefur hann kafað í Kerch-sundi sem tengir saman Azovhaf og Svartahaf. Þar fann hann leifar af forngrískum krukkum. Talsmaður Pútín viðurkenndi þó seinna að krukkunum hefði verið komið fyrir svo að Pútín gæti fundið þær.

Á meðan ferð Pútín stóð í dag hafði hann samband við Dmitry Medvedev, forsætisráðherra Rússlands, sem stóð á hafnarbakkanum ásamt öðrum embættismönnum. Þeir spjölluðu saman og kom fram að Pútín vonaði að uppgvötun skipflaksins gæti varpað ljósi á þróun Rússlands sem og „djúpar sögulegar rætur landsins.“ Jafnframt sagði Pútín við Medvedev að sá síðarnefndi hefði átt að koma með. Þeir féllust svo í faðma þegar kafbáturinn kom upp á yfirborðið.